MANILA, Philippines – “HINDI content playground ang Pilipinas”
Ito ang binitiwang salita ni Bureau of Immigration (BI) Commissioner Joel Anthony Viado makaraang maaresto at mahaharap sa deportation ang Estonian vlogger na si Siim Roosipuu, 34, matapos umanong manggulo at mang-bastos ng mga Pilipino para sa kanyang viral content.
Ayon kay Viado, kahalintulad ito ng kaso ng Russian vlogger na si Vitaly Zdorovetskiy.
“This is another Vitaly case — different person, same behavior,” ani Viado. “A foreign vlogger comes here, disrespects Filipinos, violates our laws, and thinks he can hide behind a camera and a social media following. That ends here,” giit pa ng opisyal.
Idineklara bilang persona non grata si Roosipuu ng mga opisyal ng Negros Oriental dahil sa reklamo ng harassment, walang pahintulot na pagkuha ng video, at umano’y pangha-harass maging sa mga menor de edad. Inaresto siya noong Enero 15 sa koordinasyon ng BI at PNP Dumaguete.
“The Philippines is not a content playground,” ani Viado. “We welcome tourists and legitimate creators, but anyone who exploits our people for views, clicks, or profit will face arrest, deportation, and blacklisting,” dagdag pa nito.
Binigyang-diin ng BI na hindi palalampasin ang pang-aabuso ng mga dayuhan sa ngalan ng vlogging at social media.
“If you come here to provoke, insult, or humiliate Filipinos, your stay will be short and your exit will be permanent,” babala ni Viado. JAY Reyes
