MANILA, Philippines – Binulabog ng magkakahiwalay na bomb threat ang ilang ahensya ng pamahalaan at mga paaralan sa iba’t ibang probinsya sa bansa ngayong Lunes, Pebrero 12.
Sa Bataan, inatasan na ni provincial police chief Police Colonel Palmer Tria ang lahat ng istasyon nito na rumesponde sa mga ahensya ng pamahalaan na makatatanggap ng bomb threat mula kay “Takahiro Karasawa.”
“This bomb threat is not only in the province of Bataan but also in other places,” ani Tria.
“A similar bomb threat from the same name of sender who identifies himself as Takahiro Karasawa, allegedly a lawyer, was also made last September and October 2023 and was found out also to be sent in other countries,” dagdag pa niya.
Maging ang Zambales ay hindi rin nakalusot sa banta.
Dahil dito ay siniguro na rin ng mga awtoridad sa Subic na panatilihin ang kaligtasan ng mga estudyante ng iba’t ibang paaralan at mga empleyado ng lokal na pamahalaan sa lugar.
“Their primary objective was to ensure the safety and security of the entire community against any potential harm,” ayon sa Subic police.
“The Subic MPs worked tirelessly and in close coordination with the LGU to effectively manage the situation and restore normalcy in the area,” dagdag pa nito.
Habang nakatanggap din ng bomb threat ang Cebu City Hall of Justice, bagama’t napag-alaman ng Cebu provincial police na negatibo sa bomba ang lugar kung kaya’t naibalik din agad ang pasok sa trabaho.
Matatandaan na kaninang umaga rin ay nakatanggap ng bomb threat ang central office ng Department of Environment and Natural Resources (DENR) dito sa Metro Manila.
Batay sa imbestigasyon ng pulisya, peke ang naturang bomb threat.
“Upon thorough investigation in cooperation with the Philippine National Police (PNP), the information being circulated has been verified to be a hoax,” saad sa pahayag.
“The DENR calls for vigilant sobriety and advises everyone to immediately report suspicious activity to local authorities. The Department continues to stay alert and committed to the security and well-being of our employees at all times,” dagdag pa. RNT/JGC
