Bilang ng Chinese ships sa WPS bumaba – PH Navy

MANILA, Philippines- Mas kaunti na ang Chinese vessels sa iba’t ibang parte ng West Philippine Sea (WPS), batay sa monitoring report ng Philippine Navy nitong Martes.

Sinabi ng Navy na may kabuuang 95 iba’t ibang Chinese vessels ang namataan sa WPS mula Hunyo 25 hanggang Hulyo 1, mas mababa kumpara sa 129 sa June 18 hanggang 24 na monitoring period.

Kabilang sa mga barko ang 13 China Coast Guard Vessels (CCGVs), anim na People’s Liberation Army Navy (PLAN) ships at 76 Chinese maritime militia vessels (CMMVs).

Nadagdagan ng isa ang bilang ng PLAN vessels mula Hunyo 24.

Base sa monitoring, matatagpuan ang Chinese ships sa mga sumusunod na lokasyon sa WPS:

• Bajo de Masinloc – limang CCGVs, isang PLAN vessel, at walong CMMVs;

• Ayungin Shoal – 5 CCGVs, 2 PLAN vessels, 13 CMMVs;

• Pagasa Island – 1 CCGV, 1 PLAN vessel, 20 CMMVs;

• Parola – 1 CMMV;

• Panata – 1 PLAN, 7 CMMVs;

• Sabina Shoal – 2 CCGVs, 1 PLAN vessel, 3 CMMVs;

• Juan Felipe Reef – 20 CMMVs;

• Recto Bank – 4 CCMVs

Samantala, kinumpirma ni Navy spokesperson for the WPS Rear Adm. Roy Vincent Trinidad na na-monitor ang Chinese PLAN aircraft carrier Shandong halos 200 nautical miles mula sa Luzon o saklaw ng exclusive economic zone ng Pilipinas.

Subalit, inihayag ni Trinidad na pinapayagan ito sa ilalim ng United Nations Convention on the Law of the Sea batay sa freedom of navigation dahil malapit lamang ito sa South China Sea. RNT/SA