MANILA, Philippines- Itinalaga ni Pope Leo XIV si Cardinal Luis Antonio Table bilang bagong titular bishop ng Albano, Italy, ayon sa Vatican.
Dating hawak ni Pope Leo ang posisyon bago naging papa.
Ang Diocese of Albano, na matatagpuan sa labas lamang ng Roma, ay isa sa pitong suburbicarian na nakikitang nauugnay sa kasaysayan sa mga kardinal na obispo, ang pinakamataas na ranggo sa loob ng College of Cardinals, ayon sa CBCP News.
Bago maitalaga sa Suburbicarian Church of Albano, nagsilbi si Tagle bilang presidente ng Interdicasterial Commission for Consecrated Religious simula December 8, 2019.
Naglingkod din siya bilang ika-32 Arsobispo ng Maynila mula 2011 hanggang 2020.
Kasalukuyang nagsisilbi rin si Tagle bilang Presidente ng Catholic Biblical Federation, Grand Chancellor ng Pontifical Urbaniana University, at bilang miyembro ng iba’t ibang departamento at dicasteries sa Roman Curia.
Itinuring si Tagle bilang isang “papabile”, o kabilang sa mga paborito na humalili kay Pope Francis.
Siya ay isang charismatic moderate na hindi natakot na punahin ang Simbahan para sa mga pagkukulang nito, kabilang ang tungkol sa sekswal na pang-aabuso ng mga menor-de-edad.
Si Tagle ay isang mahusay na tagapagsalita at nangungunang tagapagtaguyod para sa mga mahihirap, migrante at marginalized na mga tao.
Tinaguriang “Chito”, siya ay ginawang kardinal ni Benedict XVI noong 2012. Jocelyn Tabangcura-Domenden
