MANILA, Philippines – Nadiskubreng authentic pero outdated na ang mga Chinese military uniform na nadiskubre ng mga awtoridad sa illegal POGO facility sa Porac, Pampanga, ayon sa Presidential Anti-Organized Crime Commission (PAOCC).
“We’ve talked to military experts from within the intelligence communities and apparently they agree, na ito nga po ay mga authentic na mga military Peoples Liberations Army uniforms,” sinabi ni Winston John Casio, PAOCC spokesperson, sa isang televised interview.
“But then again, tama po kayo dated na po ito, meaning to say mga lumang mga uniporme. So, pupuwedeng mga beterano nga po ang mga may-ari nito, so it could [be] that the veterans working or owners of this particular scam farms or they just bought it as a collection item, puwede pong ganoon,” ani Casio.
Sa kabila nito, hindi pa rin niya maiaalis ang posibilidad na mayroong mga espiyang Chinese military sa pasilidad.
“Iyong isa, iyong pinakamalala ay baka naman mayroon nga talagang military spies na imbedded dito sa ating mga illegal na mga online gaming farms na ito, bear in mind, these are scam farms. These are what I dub as conduits of money laundering ‘no, so medyo malaking problema po ito para sa bayan natin kung mapatotohanan natin na mayroon ngang nakapasok na espiya sa mga scam farms na ito,” sinabi ni Casio.
“Until such time that we have strong evidence na talagang may nangyaring mga pang-iespiya, espionage, coming from these scam farms, I would like to believe that all of these are just at the moment are collector items,” dagdag pa niya.
Samantala, sinabi ni Casio na nakakuha rin ang ahensya ng mga ebidensya mula sa raid at sa partner agencies na magtuturo sa tinatawag na beneficial owners ng Philippine Offshore Gaming Operator facilities.
“Kasi, the owners on paper do not necessarily reflect the actual owners, the so called beneficial owners of this particular scam farm. So, all of these individual will be charge accordingly with the different violations that they’ve had,” aniya.
“Also, mayroon din po tayong mga na-identify ng mga ‘managers’, mga ‘torturers’, mga ‘enforcers’ na naituro ng ating mga witnesses at saka ng mga complainants. Makakasuhan din po natin ang mga ito.”
Inalala ni dating Senador Panfilo Lacson nitong Huwebes, Hunyo 13 na nakatatanggap na siya ng impormasyon tungkol sa presensya ng mga umano’y sleeper cells ng People’s Liberation Army ng China sa bansa mula pa noong 2020.
“Ang nakakapangamba dito, kasi I remember in 2020, I came out with an intelligence report, although I would consider that report A6, because yung source na dati kong napagkunan ng information, marami siyang information na talagang patok o accurate. But yung mismong validation di ma-validate yung sinasabi niya na there were around at the time 2020, there were around mga 2,000 PLA, parang sleeper cells ng PLA na nandito sa PH. So nakaka-worry,” pagbabahagi ni Lacson.
“At sinabi ko nga sa AFP noon, sa intel community, tingnan nyo ito. Kasi hindi maikakaila, di naman tayo umabot sa panahon ng Hapon. Pero I remember from the old folks, sinasabi nila, yung sari-sari store owner na Hapon, noong nagkagiyera, nang in-invade ng Hapon ang PH, colonel pala. May ganoon. So parang remembering that story coming from my grandparents na ganoon nangyari noon, nag-flashback sa akin baka ganito rin ito,” dagdag niya.
Sinabi ng dating senador na ang ulat sa pagkakadiskubre ng hinihinalang uniporme ng PLA ay “subject to validation.”
“Of course, subject to validation naman yung mga uniforms and medals, kung talagang baka naman sa Raon, sa Quiapo o sa Santolan di natin alam i. But it’s worth looking into, because of the issues na nangyayari sa WPS,” sinabi ni Lacson.
“Pero saan mo iko-coordinate, sabi ni Usec Gilbert Cruz, iko-coordinate sa counterpart? Sinong counterpart? Chinese government? It would be easy for them to deny. Sinong aamin na meron kaming sleeper cell sa bayan ninyo? Kung totoong mayroong ganoon, classified yan, hindi nila ishe-share yan. I suppose mayroon namansariling paraan yung authorities to really verify and validate kung authentic ba itong mga uniforms pati bang paraphernalia na nakuha doon.” RNT/JGC
