MANILA, Philippines- Sinita ng Commission on Audit (COA) ang OVP para sa mahigit P600,000 halagang purchase nito sa pitong satellite offices, na ayon sa una ay hindi tumalima sa Procurement Law o Republic Act 9184.
“Our audit disclosed that OVP failed to fully observe the processes and procedures required under the RA 9184 and its IRR in the purchase of its Property Plant and Equipment (PPE) and Semi-Expendable Equipment in satellite offices totaling P668,197.20,” pahayag ng state auditors sa kanilang 2022 Annual Audit Report.
“The immediate establishment of satellite offices without enough equipment to operate led to Management’s decision to resort in immediate purchase of PPE and semi-expendable property using the cash of its officers, which the OVP subsequently paid through reimbursement,” dagdag nila.
Sinabi rin ng COA na bagama’t mayroong kasamang quotation upang matiyak na nakabili sa pinakamababang halaga, “OVP’s failure to undergo these purchases in processes and procedures required under RA 9184 and its IRR defeats the purpose of the Procurement Law, which is to standardize and to improve transparency in the procurement process.”
Gayundin, binanggit ng COA ang Section 10, Article 4 ng Procurement Law kung saan nakasaad na “all procurement should be done through competitive bidding, except as provided for in Article 16 of this Act.”
Pinapayagan ng Article 16 ng Procurement Law ang Alternative Methods of Procurement uoang maisulong ang “economy and efficiency” subalit depende pa rin ito kung papayag ang Head of the Procuring Entity o kanyang kinatawan, o kung pasok sa kondisyon sa ilalim ng Act.
Gayundin, napansin ng Audit Team na ang control reference ng Inspections and Acceptance Report (IAR) maging petsa ng Inventory Custodian Slip (ICS) at Property Acknowledgment Receipt (PAR) na iniulat lamang ang mga purchase sa Property Unit isa hanggang tatlong buwan mula nang bilhin ang mga ito.
“As per inquiry, the immediate establishment of satellite offices was made due to Management’s intention to immediately expand services offered by OVP to various provinces. However, controls to ensure that government resources were utilized as intended and prevented from loss should also be considered,” anang state auditors.
“The immediate establishment of OVP’s satellite offices without standardized and streamlined processes in handling and reporting of acquired PPE resulted in late reporting and recording of purchased property,” patuloy ng COA.
Iniulat naman ng COA na sumang-ayon ang OVP sa rekomendasyon nitong itigil ang procurement transactions sa pamamagitan ng reimbursement.
Pinayuhan din ng komisyon ang OVP na mahigpit na sundin ang probisyon ng batas ang magplanong mabuti at itakda ang procurement ng PPE at Semi Expendable Property at ayusin ang proseso ng procurement, paghawak at pag-uulat ng property na binili para sa satellite offices,
Aminado naman ng OVP na ilan para sa purchases para sa satellite officers ay isinagawa sa pamamagitan ng reimbursement at tiniyak na pagbubutihin na nila.
Nang kunan ng komento ukol sa COA report, sinabi ni OVP spokesperson Reynold Munsayac, “We will just release a statement once available.”
Sa parehong annual report, sinabi ng COA na gumastos ang OVP ng P125 milyong confidential expenses noong 2022.
Anang COA, nakalagay ang nasabing expenses sa 2022 annual audit report sa ilalim ng Notes to Financial Statements ng opisina.
Walang nakalaang intelligence o confidential fund ang OVP sa ilalim ng General Appropriations Act of 2022.
Gumastos din ang opisina ng P483,600 para sa “extraordinary and miscellaneous expenses.” May nakalaang P620,000 ang item sa 2022 budget.
Bilang bahagi ng tulong sa mga sektor, inilipat ng OVP ang P30.5 milyon sa iba’t ibang ospital para sa medical aid, mas mababa ng 81% kumpara sa P167 milyon ginastos ng OVP para rito noong 2021.
Nakapagtala rin ang OVP ng pagbaba ng gastos sa medical/burial assistance noong 2022 sa P304.67 million, mas mababa sa P327 million noong 2021.
Subalit, sinabi ng opisina na dinagdagan nito ang ginastos para sa sustainable livelihood at subsidiya sa training assistance noong 2022 sa P20 million, mula sa P7.43 million noong 2021.
Mas malaki rin ang inilaan nito para sa educational assistance sa P936,121 mula sa P35,000 noong 2021. RNT/SA
