Home NATIONWIDE DA namuhunan ng P3B para makapagtayo ng cold storage facilities sa buong...

DA namuhunan ng P3B para makapagtayo ng cold storage facilities sa buong bansa

MANILA, Philippines- Magtatayo ang Department of Agriculture (DA) ng 99 cold storage facilities simula sa susunod na taon para palawakin ang ‘shelf life’ ng mga prutas, gulay at high-value crops, tiyakin ang suplay at katatagan ng presyo.

Sinabi ni Agriculture Secretary Francisco P. Tiu Laurel Jr. na ang pasilidad ay pagaganahin ng renewable energy sources gaya ng ‘solar at wind’, tiyakin na episyente at tiyakin ang ‘environmentally friendly operations.’

Winika pa ni Tiu Laurel na ang refrigerated warehouses ay isa ring hybrid infrastructures na maaaring paganahin ng elektrisad mula renewable energy sources at iyong sinu-suplayan sa pamamagitan ng grid.

“This approach not only addresses immediate agricultural needs but also aligns with broader environmental goals,” ang sinabi ni Tiu Laurel.

Sa kabilang dako, naglaan ang DA ng P3 billion para sa proyekto para bawasan ang pagkalugi ng mga magsasaka at palakasin ang food security.

Karamihan naman ng maliliit na pasilidad ay inaasahan na magsisimula ang operasyon ngayong taon.

“By improving the cold chain infrastructure, we will strengthen the agricultural sector, reduce farm losses, extend the shelf life of agricultural products, stabilize supply and prices, and ensure food security,” ang sinabi ni Tiu Laurel.

Ang proyekto ay bahagi ng komprehensibong logistics master plan na dinisenyo ng DA sa pamamagitan ng Agriculture and Fisheries Logistics Office (AFLO) sa pamumuno ni Agriculture Assistant Secretary for Logistics, Daniel Alfonso Atayde.

Ang plano ay sumasaklaw hindi lamang sa cold storage facilities kundi para sa development ng ‘robust road network, agricultural seaports, at isang integrated cold chain network’ para i-streamline ang distribusyon ng agricultural products sa buong bansa.

Matatandang, inaprubahan ni Pangulong Ferdinand Marcos, Jr. ang paggamit ng P1.5 billion na unprogrammed funds noong 2024 para simulan ang development ng cold storage network, na may panibagong P1.5 billion na kasama sa 2025 General Appropriations Act.

Ang unprogrammed funds ay gagamitin para magtayo ng 65 small o modular chiller-type cold storage facilities sa buong bansa at malaking cold storage facility sa Camarines Sur.

May dalawang karagdagang malaking pasilidad ang pinlano, isa sa San Jose, Occidental Mindoro, at isa pa para sa Cabanatuan, Nueva Ecija, na 31 modular units sa buong bansa.

“These investments will collectively enhance the country’s capacity for preserving perishable goods, ultimately benefiting both farmers and consumers. Construction of the large storage facilities is expected to take around 18-22 months after awarding the contract,” ayon sa ulat.

“Each facility will have a capacity of 2,800 to 3,500 pallet positions, depending on the products. The DA will oversee and manage these mega-cold storage facilities in cooperation with local government units, farmers’ cooperatives, and associations to ensure efficient operations and community involvement,” anito pa.

Sa kabilang dako, ang modular refrigerated warehouses ay may sukat na 40-foot container van. May kapasidad ito na pito hanggang 15 metric tons, depende sa agricultural products na itatabi.

Ang mga bodega ay inaasahan na magiging operational sa loob ng tatlong buwan ng konstruksyon, pinahihintulutan ang mabilis na pagpapahusay ng cold storage capabilities sa buong bansa. Kris Jose