Davao Occidental niyanig ng M-5.5 na aftershock

MANILA, Philippines – Niyanig ng magnitude 5.5 na lindol ang Davao Occidental nitong Huwebes ng umaga, Hunyo 11.

Ayon sa Philippine Institute of Volcanology and Seismology (Phivolcs), ang lindol ay aftershock ng magnitude 7.8 na lindol noong Hunyo 8 sa Sarangani.

Tumama ang aftershock 67 kilometro timog kanluran ng Balut Island, Sarangani, Davao Occidental bandang 9:56 ng umaga.

May lalim itong 10 kilometro at tectonic in origin. RNT/JGC