MANILA, Philippines – Nanawagan ang grupo ng food delivery riders na Riders-Sentro sa Department of Social Welfare and Development (DSWD) na linawin kung paano ipamamahagi ang ₱5,000 cash assistance, dahil posibleng may mga rider na hindi makasama dahil sa kanilang impormal na trabaho.
Ayon sa grupo, bagama’t welcome ang pagsama sa delivery riders sa ayuda, nag-aalala sila sa sistema ng pamamahagi dahil “many riders operate under precarious and informal arrangements with digital platforms.”
Babala ng Riders-Sentro, maaaring may libo-libong rider na hindi makatanggap ng benepisyo “if the system is not clear, transparent, and accessible.”
Upang maiwasan ito, hiniling nila sa DSWD na makipagpulong sa mga kinatawan ng riders para malinaw ang halagang matatanggap ng bawat rider, paraan ng pamamahagi, at kwalipikasyon para makatanggap.
“Riders kept the country moving during the pandemic and continue to power the growing delivery economy today. The least the government can do is ensure that support actually reaches them fully, fairly, and without delay,” ayon sa grupo.
Dagdag pa nila, marami nang riders ang apektado ng sunod-sunod na pagtaas ng presyo ng langis dulot ng tensyon sa Middle East.
“For days, riders have been paying more for fuel while their incomes continued to shrink. Every peso added to fuel prices cuts directly into what they bring home to their families,” saad ng Riders-Sentro.
Handa raw makipag-dialogo ang grupo sa gobyerno ngunit “ready to act if their concerns continue to be ignored.” RNT/MND
