Manila, Philippines – Dismayado si Enchong Dee sa sinakyang Air France nang bumiyahe patungong Madrid, Spain pabalik ng bansa.
Ipinost ng Kapamilya actor sa kanyang Instgram story ang kanyang karanasan.
Na-offload kasi ang kanyang Madrid-bound flight dahil daw sa kanyang visa.
Pero aniya, hindi daw ‘yon desisyon ng immigration officers kundi staff ng Air France sa Bangkok, Thailand.
Enchong had no choice but to give in sa takot na posible daw mapawalang-bisa ang kanyang
Schengen visa–isang uri ng short stay permit that allows the holder to travel around 29 European countries within 90 to 180 days.
Walang nagawa si Enchong kundi bumili ng panibagong Air France ticket en route to London, England before proceeding to Paris as per travel requirements.
Kalmado lang daw ang aktor sa kabila ng aberya: “just went through my trip peacefully!”
Pero hindi raw doon nagwakas ang kalbaryo ni Enchong.
To his surprise, na-block daw uli ang isa pa niyang ticket kahit nakapag-check in na siya online.
Ending–nagdesisyon na lang daw ang aktor na kumuha ng panibagong flight sa ibang airline, Etihad.
Mas bongga pa nga daw ang Middle Eastern airline in terms of food and comfort, habang isinusumpa niya ang Air France.
