CAIRO — Patay ang hindi bababa sa 45 Palestinians at sugatan dose-dosenang sa isang lugar sa southern Gaza Strip lungsod ng Rafah sa inilunsad na air strike ng Israel sa lugar na itinalaga para paglikasan ng mga Palestino, ayon sa Palestinian health at civil emergency service officials.
Ang tagapagsalita ng health ministry sa Gaza na pinamamahalaan ng Hamas na si Ashraf Al-Qidra, ay nagsabi na 35 katao ang napatay at dose-dosenang iba pa, karamihan sa kanila ay mga kababaihan at mga bata, ang nasugatan sa pag-atake. Ang bilang sa kalaunan ay tumaas sa 45.
Ang atake ay naganap sa Tel Al-Sultan sa kanlurang Rafah, kung saan libu-libong tao ang sumilong dito matapos na lumikas sa kani-kanilang lugar dahil sa nagpapatuloy na giyera.
Inilarawan ng matataas na opisyal ng Hamas na si Sami Abu Zuhri ang pag-atake sa Rafah bilang isang “masaker”, na may pananagutan sa Estados Unidos sa pagtulong sa Israel gamit ang mga armas at pera.
Ang Rafah ay matatagpuan mga 100 km (60 milya) sa timog ng Tel Aviv. RNT
