Higit 10K kapatid na Muslim nagdiwang ng pagtatapos ng Ramadan sa Rizal Park

Ikinalugod ng mga kapatirang Muslim ang dami ngayon ng mga nakiisa sa pagdiriwang ng pagtatapos ng isang buwang Ramadan o Eid al-Fitr o mas kilala na Feast of Sacrifice.

Ang makabuluhang pagfdiriwang na ito ay ginugunita ang’ Prophet Ibrahims act of obidience’, ayon kay Chairman Suhaayli Abangon na siyang nag-organisa sa pagtitipon-tipon ng mga kapatid na Muslim ngauyong araw sa Rizal Park.

Minarkahan ng mga kapatid na Muslim ang okasyon sa pammaagitan ng pagdarasal,kapistahan at mga pagkawanggawa.

Ayon kay Chairman Abangon, tinatayang nasa 10,000 ang nakiisa sa pagdiriwang pagtatapos ng pag-aayuno.

Bagamat umiiral ang sobrang init ng panahon, hindi ito inalintana ng mga Muslim ang init ng araw kung saan bago magbukang liwayway ay dumagsa na sila sa Rizal Park para makiisa sa makabuluhang pagdiriwang.

Ayon kay Abangon, pag dumarating ang Ramadan ay ginagawa nila lahat ang kautosan ni Alla — kung ipapamuhay aniya ang natotonan sa Ramadan ay napakaganda ang pamumuhay.

Idinagdag pa ni Abangon na dumarating ang Ramadan kada taon sa Kamusliman at ito ay kasama sa limang haligi ng Islam.

Ngayong Ramadan, umaasa rin si Abangon at kapwa nito Muslim na matigil na ang gulo sa Palestine.

Kristiyano balik Muslim

Ipinaliwanag ni Abangon na marami ngayon ang mga Kristiyano na nagbabalik Islam dahil noon aniya ang buong Pilipinas ay Muslim.

Binanggit nito na noong 1380, ang lider sa Metro Manila ay si Rajah Suliman. Dumating lang aniya ang ispanyol noong March 16,1521 kaya nagkaroon ng Kristiyano.

Binigyan-diin din ni Abangon na dapat magmahalan ano man ang relihiyon kasabay ng kanyang panawagan sa lahat ng mga Filipino, Muslim o anu pa man na mapunta sa tama.

Ramadan pagpupuri sa Allah

Sinabi naman ni Maguindanao Gvernor Esmael Toto Mangundadatu na dumalo rin at nakiisa sa pagdiriwang ng Eid al-Fitr na ang pagpapatupad na ito—lahat ay pagpupuri sa Alla.

Umaasa rin ang gobernador na sana magtutuloy-tuloy ang mga pag-uugali sa lahat ng kanilang mga ka-transaksyon .

“Ang pinakaasam-asam naming ay ang kabilang buhay , ayan po maging Kristyanom man -maging sinuman na kapatiran po natin na tayo ay dapat nagkakaintindihan at nagmamahalan”.mensahe naman ng gobernador.

Nagpapasalamat din ito sa nasabing aktibidad dahil napakarami ang dumating at nakiisa sa pagdiriwang sa Rizal Park.

Mensahe pa ng gobernador ngayong Eid al-Fitr na sana magtuloy-tuloy ang kapayapaan dito sa Pilipinas at sa buong mundo. (Jocelyn Tabangcura-Domenden)