MANILA, Philippines – Mahigit 2,280 na trabaho ang bukas sa Clark, Pampanga mula sa 30 kumpanya sa iba’t ibang industriya, ayon sa Clark Development Corporation (CDC).
Sinabi ni CDC Communications Manager Astrud Aguinaldo na may mga job opening sa sektor ng ICT, BPO, industriyal, serbisyo, turismo at hospitality, komersyal at retail, aviation, at healthcare.
Sa industriyal na sektor, nangangailangan ng mga engineer, technician, welder, machine operator, HR personnel, at warehouse worker.
Sa serbisyo, may bakanteng posisyon para sa bus driver, konduktor, mananahi, at sales staff. Sa turismo at hospitality, bukas ang mga trabaho para sa hotel staff, security personnel, chef, marketing professional, at casino dealer.
Kailangan din sa komersyal at retail ang sales associate, cashier, at store manager. Sa aviation at healthcare, in-demand ang mga nurse, medical technologist, at physical therapist.
Maaaring magpadala ng CV, biodata, o résumé na may litrato sa [email protected], kung saan titingnan ng mga employer ang profile ng aplikante at kokontakin ang mga kwalipikado. RNT
