Higit 500 kabataan ipinasyal ni Pasay City Mayor Emi sa kanyang 65th kaarawan

Mahigit sa limang daang mga kabataan kasama pa ang kanilang magulang ang kasamang ipinasyal ni Pasay City Mayor Emi Calixto-Rubiano bilang bahagi ng pagdiriwang ng kanyang kaarawan.

Ipagdiriwang ni Mayor Emi ang kanyang kaarawan ngayong darating na August 16, kung saan 65 years old na ang alkalde.

Sa panayam sinabi ng alkalde na taon taon niya itong ginagawa simula ng siya ay konsehal ng Pasay na pinapasyal ang mga bata sa isang kilalang Amusement park sa lungsod at kanya itong binibigyan ng mga regalo na mga laruan upang mas maging masaya ang mga bata.

Bukod sa pagpapasyal sa mga kabataan nagsasagawa rin ng ibat ibang programa si Mayor Emi na bahagi ng pagdiriwang ng kanyang kaarawan ang medical at dental mission, livelihood training, at pambili ng mga kagamitan para sa mga bata sa kanilang edukasyon.

Nagpasalamat naman ang alkalde sa panginoon sa pagbibigay ng maayos na kalusugan, at hiling na pahabain pa ang kanyang buhay.

Hiling din ng alkalde na bigyan pa siya ng panginoon ng karunungan at gamitin para sa ikabubuti ng mga residente ng lungsod ng Pasay. CESAR MORALES