AABOT sa mahigit P37.9 milyong halaga ng humanitarian assistance ang naipamahagi na sa mga indibidwal na apektado ng pag-aalboroto ng bulkang Kanlaon sa Negros Island, sinabi ng Department of Social Welfare and Development (DSWD) nitong Miyerkules.
Sinabi ng tagapagsalita ng DSWD na si Asec. Irene Dumlao na may paunang 17,000 food packs ang naipamigay sa 17,279 pamilya o mahigit 57,000 indibidwal sa 23 barangay sa Negros Occidental at Negros Oriental.
“Mino-monitor ng DSWD ‘yung mga pamilya at indibidwal na naapektuhan ng pag-aalburoto ng Mount Kanlaon. Ang DSWD ay nakapagpahatid na po ng mahigit P37.9 milyon na worth of humanitarian assistance, ito po ay sa pamamagitan ng food packs, non-food items, at gayun din po ng tulong pinansyal sa ilalim ng Assistance to Individuals under Crisis Situation,” aniya sa isang pampublikong briefing.
Kaugnay nito sinabi ni Dumlao na patuloy ang pakikipag-ugnayan ng DSWD sa Office of Civil Defense at mga lokal na pamahalaan ng mga lungsod at munisipalidad sa paligid ng bulkan — Bago City, La Carlota City, Pontevedra, La Castellana, Moises Padilla, at Canlaon City.
“Binabantayan natin kung ano pa ‘yung mga tulong na maaari pa nating ipahatid. Sa kasalukuyan po, ang DSWD, patuloy po ang ating pag-stock ng mga food packs and non-food items. Sa katunuyan po, mahigit 1.7 million ‘yung ating pambansang stockpile,” dagdag niya.
“Sinusubaybayan pa rin natin kung ano pang tulong ang maibibigay natin. Sa ngayon, ang DSWD ay patuloy na nag-iimbak ng mga food packs at non-food items. In fact, we have over 1.7 million in our national stockpile.
Nauna rito napansin ng mga state volcanologist ang tumaas na aktibidad ng seismic sa Kanlaon Volcano noong Setyembre 9, tatlong buwan lamang matapos itong pumutok noong Hunyo.
Kaugnay nito limang volcanic earthquakes ang naitala sa bulkan noong Martes dahil nananatili itong nasa ilalim ng Alert Level 2, na nangangahulugang mayroong tumaas na kaguluhan.
Samantala, sinabi ng DSWD na mahigit 32,000 family food packs ang naipamahagi sa mga pamilyang naapektuhan ng Tropical Cyclones Ferdie at Gener, at ng Southwest Monsoon o Habagat.
Bukod sa food packs, sinabi ni Dumlao na humiling din ang mga local government units sa Cagayan Valley, Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Soccsksargen, at BARMM ng mahigit 1,200 non-food items. (Santi Celario)
