MANILA, Philippines – Nagpahayag ng pag-aalala ang prosecution team ng House of Representatives para sa impeachment trial ni Vice President Sara Duterte kaugnay ng panukalang payagan ang remote participation ng mga senador sa mga proceeding ng Senado.
Sa pahayag nitong Miyerkules, sinabi ni prosecution team spokesperson at Lanao del Sur Rep. Zia Alonto Adiong na bagama’t iginagalang nila ang Senado bilang co-equal body at impeachment court, maaaring maapektuhan ng online participation ang “integrity and solemnity” ng impeachment trial.
“We fully respect the Senate as an independent institution, but we strongly believe that impeachment proceedings require personal presence, personal accountability and full attention from every senator-judge,” ani Adiong.
“This is not an ordinary period in the Senate. Once senators sit as judges in an impeachment court, the Filipino people expect them to be physically present, listening to the evidence and personally performing that constitutional duty,” dagdag niya.
Ayon kay Adiong, pinayagan lamang noon ang remote participation noong panahon ng COVID-19 pandemic at wala namang extraordinary situation ngayon para bigyang-katwiran ito.
“There is no pandemic or any extraordinary situation now that would justify online participation, especially with the impeachment trial looming near,” ani pa niya.
Nagkaroon ng tensyon sa Senado noong Martes matapos mag-walkout ang Minority bloc dahil sa panukalang amyendahan ang rules upang payagan ang online voting ng mga senador.
Itinulak nina Joel Villanueva at Alan Peter Cayetano ang mosyon ni Rodante Marcoleta para sa remote voting.
Tutol dito sina Francis Pangilinan at Risa Hontiveros, habang sinabi ni Erwin Tulfo na tila nagmamadali ang Majority bloc sa pag-amyenda ng rules.
Kalaunan ay nag-walkout ang Minority bloc mula sa plenary hall ng Senado.
Nagpasalamat naman si Adiong sa mga senador na tumutol sa rule amendment dahil aniya’y mahalagang mapanatili ang tiwala ng publiko sa Senado at sa impeachment process.
Noong Mayo 11, inaprubahan ng Kamara ang impeachment laban kay Sara Duterte matapos bumoto pabor dito ang 257 mambabatas.
Samantala, naging sentro rin ng pansin noon ang muling paglitaw ni Ronald dela Rosa sa Senado sa gitna ng usapin tungkol sa umano’y arrest order laban sa kanya mula sa International Criminal Court.
Pagkaraan nito, napatalsik bilang Senate President si Vicente Sotto III at pinalitan ni Cayetano matapos makakuha ng 13 boto ang Minority bloc.
Noong Mayo 13 naman, umugong ang balita matapos makarinig ng putok ng baril sa loob ng Senate building na pinaputok umano ni acting Senate Sergeant-at-Arms Ma. O Aplasca laban sa mga tauhan ng National Bureau of Investigation. RNT/MND
