VALENZUELA CITY, Philippines – Nasa P340K halaga ng shabu ang nasabat sa isang drug suspect na itinuturing bilang High-Value Individual (HVI) nang maaresto sa ikinasang buy bust operation ng pulisya sa Valenzuela City.
Kinilala ni SOU-NCR, PNP-DEG Commander P/Col. Richard Ian Ang ang naarestong suspek na si alyas “Jonas”, 24, at residente ng Pinalagad, Brgy., Malinta ng lungsod.
Sa ulat, ikinasa ng mga operatiba ng SOU-NCR PNP-DEG sa pangunguna ni P/Lt. Juan Carlos De Ramos ang buy bust operation sa koordinasyon sa PDEA kasunod ng natanggap na impormasyon hinggil sa umano’y pagbebenta ng ilegal na droga ni alyas Jonas.
Dakong alas-12:16 ng hating gabi nang maaresto ng mga operatiba ng PNP-DEG ang suspek sa A Bonifacio Street, Brgy. Karuhatan, matapos umanong bintahan ng shabu ang isang pulis na nagpanggap na buyer.
Bukod sa nabiling isang knot-tied transparent plastic na naglalaman ng nasa 50 grams ng hinihinalang shabu at nagkakahalaga ng P340,000 na nabili sa suspek, nakuha din sa kanya ang buy bust money na isang tunay na P1,000 at isang bundle ng P1,000 boodle money.
Na-inquest na ang suspek kaugnay sa kasong paglabag sa Section 5 ng R.A 9165 o ang Comprehensive Dangerous Drug Act of 2002 sa Valenzuela City Prosecutor’s Office. (Merly Duero)
