KOREA – Pinawalang-bisa ng Constitutional Court ng South Korea ang impeachment kay Prime Minister Han Duck-soo, kaya’t ibinalik siya bilang pansamantalang pangulo habang wala pang desisyon sa impeachment ni Pangulong Yoon Suk Yeol.
Si Han ay na-impeach noong Disyembre matapos siyang maging acting leader nang tanggalin sa puwesto si Yoon dahil sa pagpapataw ng batas militar na nagdulot ng matinding krisis pampulitika.
Pito sa walong mahistrado ang nagdesisyong hindi labag sa batas o hindi sapat na mabigat ang mga paratang laban kay Han upang alisin siya sa puwesto.
Nangako si Han na tututok sa mga hamon sa ekonomiya at pagkakaisa ng bansa. Patuloy na hinihintay ang desisyon ng korte sa kaso ni Yoon, na maaaring humantong sa halalan o pagbabalik niya sa kapangyarihan. RNT
