MANILA, Philippines – Target ng Department of Information and Communications Technology (DICT) na pataasin ang bilang ng mga tirahan na may internet access sa buong bansa mula sa kasalukuyang 44 percent patungo sa 60 percent pagsapit ng 2028.
Sa panayam, sinabi ni Maria Victoria Castro, Director for the National ICT Planning, Policy, and Standards Bureau, na sa pamamagitan ng National Broadband Plan 2.0, tutukuyin nila ang areas for collaboration sa pagitan ng pamahalaan at pribadong sektor sa pag-upgrade at pagpapalawak ng digital connectivity at pag-promote ng investments sa telecommunication.
“The NBP 2.0 serves as the blueprint of the deployment of fiber optic cable and wireless technologies to improve the internet in our country. Our Philippine Development Plan has done something and based on their targets, 60 percent of Filipinos will be connected to the internet by 2028. Right now, (according) to the Philippine Statistics Authority (PSA), about 44 percent of our households are connected to the internet. We want to increase the target over the years. If we can improve the NBP, (it) will increase even more,” ani Castro.
Upang masiguro ang kolaborasyon ng mga ahensya ng pamahalaan at private stakeholders, sinabi ni Castro na nagsasagawa na ang DICT ng serye ng focus group discussions at consultations sa buong bansa na layong maisaayos ang ugnayan ng public at private sectors, at matugunan ang gap sa pagpapabuti ng digital infrastructure landscape.
Nagsagawa na ang DICT NBP 2.0 ng konsultasyon sa Legazpi City, Clark, Leyte, at Zamboanga. Sunod nilang pupuntahan ay ang Tuguegarao City, Cagayan, at National Capital Region. RNT/JGC
