Isyu kina Claudine at Tulfo, naungkat; Aktres, nagpaliwanag!

Manila, Philippines – Nilinaw ni Claudine Barretto ang tungkol sa isyu nila noon ng diyaristang si Mon Tulfo.

Kung babalikan, nag-ugat ang kanilang alitan sa Terminal 3 ng NAIA noong May 6, 2012.

That time, nagsasama pa as a married couple sina Claudine at Raymart Santiago.

Kung bakit naungkat uli ito’y dahil naka-tag ang Facebook post ng aktres kay Ramon “Bon” Tulfo III, anak ni Mon.

Ayon sa post, hindi lang daw alam ng marami na malalim ang friendship nila ng tinawag niyang “bro.”

Bunsod din ‘yon ng tungkol sa pagkikita ni Claudine at ng bunsong anak ni dating Pangulong Rodrigo Duterte na si Kitty sa Davao City.

Ayon sa isang netizen, posibleng mapunta ang mga Tulfo sa kampo ng mga Duterte–dahil nandoon na si Claudine.

Nilinaw ng aktres na kaibigan niya si Bon, anak ng tinawag niyang “Kuya Mon.”

Entonces, matagal na daw nahilot ang anumang gusot sa kanilang pagitan.

Ani Claudine: “Actually, bago pa si Kuya Mon, kami muna ni Kuya Raffy ang naging okey.”

Si Atty. Ferdie Topacio na close friend ni Claudine ang nag-ayos daw sa kanila.

Klaro, mga palangga? Ronnie Carrasco III