MANILA, Philippines – Magdadala ng maulap na papawirin at kalat-kalat na pag-ulan sa Palawan at Southern Mindanao ang Intertropical Convergence Zone (ITCZ) habang ang easterlies ay makakaapekto sa silangang bahagi ng Luzon at Visayas sa Martes, iniulat ng PAGASA.
Ang Zamboanga Peninsula at Palawan ay magkakaroon ng maulap na papawirin na may kalat-kalat na pag-ulan at pagkidlat-pagkulog dahil sa ITCZ na may posibilidad na magkaroon ng flash flood o landslide dahil sa katamtaman hanggang sa kung minsan ay malakas na pag-ulan.
Ang Aurora, Quezon, Rehiyon ng Bicol, at Silangang Visayas ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa easterlies na may posibilidad ng mga flash flood o landslide na magaganap sa panahon ng matinding pagkidlat-pagkulog.
Ang Metro Manila at ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dulot ng mga localized thunderstorm na may posibilidad ng mga flash flood o landslide na magaganap sa panahon ng matinding pagkulog.
Ang silangang bahagi ng Luzon at Visayas ay makararanas ng mahina hanggang sa katamtamang bilis ng hangin na kumikilos sa direksyong silangan hanggang timog-silangan habang ang mga baybaying dagat ay magiging mahina hanggang sa katamtaman.
Ang natitirang bahagi ng bansa ay makararanas ng mahina hanggang sa katamtamang bilis ng hangin na kumikilos sa timog-kanluran hanggang timog-silangan habang mananatiling mahina hanggang sa katamtaman ang mga tubig sa baybayin.
Sumika ang araw ng 5:31 a.m., habang lulubot ito ng 6:29 p.m. RNT
