Kelot hati katawan sa sagasa ng kotse, kaladkad ng trak

MANILA, Philippines – Nahati ang katawan ng isang lalaki matapos na masagasaan ng kotse at makaladkad pa ng trak sa General Trias, Cavite.

Sa ulat, nangyari ang insidente nitong Sabado ng gabi, Agosto 9 sa Barangay San Francisco ng naturang bayan.

Pababa ng bus ang biktima na isang konduktor at patawid na sana ng kalsada para gumarahe ngunit bigla itong nabangga ng kotse.

Matapos mabangga ay nakaladkad pa ito ng nakasalubong na dump truck.

Agad namang hinabol ng mga pulis ang kotse at naaresto ang drayber nito habang hinahanap naman ang drayber ng dump truck. RNT/JGC