MANILA, Philippines – Ipinagtanggol ng Department of Tourism (DOT) ang Mindanao bilang ligtas na destinasyon matapos ilagay ng U.S. travel advisory sa Level 3 ang karamihan sa rehiyon.
Naglabas ang U.S. State Department ng travel advisory noong Mayo 8 na naglalagay sa Pilipinas sa Level 2, kung saan pinapayuhan ang mga Amerikano na magdoble-ingat dahil sa krimen at kaguluhan.
Ang Mindanao, maliban sa ilang lugar gaya ng Davao City at Siargao, ay nasa Level 3 at pinapayuhang iwasan muna.
Ayon sa DOT, suportado nila si Rep. Rufus Rodriguez sa kanyang pahayag na may kinikilingan ang nasabing abiso.
“The DOT stands united with Congressman Rodriguez and all those who advocate for the dignity and reputation of our country,” ayon sa ahensya.
“His support strengthens our resolve to promote a more balanced and truthful narrative of the Philippines — one rooted in warmth, resilience and the unmatched hospitality of the Filipino people.”
Tiniyak ng DOT ang ligtas at maayos na biyahe sa pamamagitan ng TOPCOP at mga tourist court.
Binanggit din nila ang Philippine Experience Program (PEP) na nagtatampok ng kultura at nagpapatunay ng kapayapaan at seguridad sa maraming bahagi ng bansa. RNT
