MANILA, Philippines – Nangako ng suporta ang Duterte bloc, o kilala bilang “Duter7” sa Senado, para sa patuloy na liderato ni Senate President Francis “Chiz” Escudero sa 20th Congress.
Ito ang sinabi ni Senador Ronald “Bato” Dela Rosa nitong Miyerkules, Hulyo 9, o halos tatlong linggo bago magbukas ang bagong Kongreso sa Hulyo 28.
“We have already committed,” ani Dela Rosa.
“I don’t know if the others have signed yet. I’ve already signed,” dagdag pa niya, na tumutukoy sa resolusyon na nagpapahayag ng suporta kay Escudero.
Bukod sa kanya, sinabi ni Dela Rosa na anim iba pang miyembro ng Duter7 group ang nangakong susuportahan si Escudero. Ito ay sina Senador Christopher “Bong” Go, Robin Padilla, Rodante Marcoleta, Imee Marcos, at magkapatid na sina Mark at Camille Villar.
Ang pitong senador ay kilala bilang ka-alyado ni dating Pangulong Rodrigo Duterte at ng kanyang anak na si Vice President Sara Duterte.
Samantala, nilinaw ni Dela Rosa na hindi siya inalok ng kahit ano kapalit ng suporta para kay Escudero.
“I didn’t ask for anything. Nothing was promised to me either. I just liked the way he handled things with us in the Senate. His leadership is very open to everything. He’s not close-minded—just because he’s like that…” anang senador.
“He listens. That’s what we need in a democratic institution—to hear everyone out,” dagdag pa nito. RNT/JGC
