Lolo natagpuang halos pugot-ulo sa CamSur

CAMARINES SUR – Halos humiwalay ang ulo ng isang 62-anyos na lalaki sa Goa na pinatay matapos pagtatagain.

Ayon sa pulisya, nangyari ang karumal-dumal na krimen sa labas ng bahay ng biktima sa Barangay Pinaglabanan.

Sinabi naman sa kapatid ng biktima na wala silang alam na kaaway ng biktima at kilala siya sa lugar.

Patuloy pa ang imbestigasyon ng mga awtoridad sa motibo sa krimen at pagkakakilanlan ng salarin.

Naghahanap din sila ng testigo na makatutulong para malutas ang krimen. RNT