MANILA, Philippines – Inaasahan ang mga aftershock kasunod ng magnitude 5.7 na lindol na yumanig sa Governor Generoso, Davao Oriental, nitong Sabado ng gabi, Agosto 9, ayon sa Philippine Institute of Volcanology and Seismology (Phivolcs).
Sa abiso, sinabi ng PHIVOLCS na naganap ang lindol 7:32 ng gabi at tectonic in origin.
Ang epicenter ng lindol ay naitala 155 kilometro timog-silangan ng Governor Generoso, Davao Oriental, at may lalim na 80 kilometro.
Naitala ang mga sumusunod na instrumental intensities:
Intensity IV – Alabel, Sarangani
Intensity III – Don Marcelino, Davao Occidental; Malungon, Sarangani; General Santos City, South Cotabato
Intensity II – Matanao and Magsaysay, Davao del Sur; Quinapondan, Eastern Samar; Tupi at Koronadal City, South Cotabato
Intensity I – Maasim and Kiamba, Sarangani; T’Boli, South Cotabato; Palimbang, President Quirino, at Esperanza, Sultan Kudarat
Samantala, wala namang naitalang pinsala sa lindol. RNT/JGC
