Home NATIONWIDE Magna Carta for Barangay Health Workers oks sa Senado

Magna Carta for Barangay Health Workers oks sa Senado

MANILA, Philippines- Malapit nang maisabatas ang panukalang Magna Carta for Barangay Health Workers (BHWs) matapos aprubahan ng Senado ang panukala sa ikatlo at huling pagbasa sa plenary session nitong Lunes.

Inaprubahan ang Senate Bill No. 2838 matapos makakuha ng 19 affirmative votes, zero negative, at zero abstentions.

Sinabi ni Senate Deputy Majority Leader JV Ejercito, principal author at sponsor ng panukala, na ito ay “long-overdue” legislation na matutupad na ang pangako na kilalanin at suportahan ang BHWs.

“The journey of this bill has become very challenging. And yet, here we are today, passing it on third and final reading. The last steps of passing this bill into law [are] upon the horizon,” anang senador.

“They are an extension of the Department of Health in our communities. They are offering services as part of our preventive healthcare system. But most importantly, they answered their calling during the pandemic and served as frontliners. They are heroes in their own right,” dagdag niya.

Nilalayon ng panukalang magkaroon ng patas at iisang kompensasyon para sa BHWs, tinitiyak ang monthly honorarium na P3,000, kasama ang subsistence at travel allowances.

Target din nitong magbigay ng national government subsidies upang tulungang pondohan ang BHW compensation, partikular sa third- hanggang fifth-class municipalities. RNT/SA