Home NATIONWIDE Maharlika bukas sa pagpondo sa nuclear power projects sa Pinas

Maharlika bukas sa pagpondo sa nuclear power projects sa Pinas

MANILA, Philippines- Bukas ang Maharlika Investment Corporation (MIC) na mamuhunan sa proyektong naglalayon na isama ang nuclear energy sa energy mix ng bansa para sa mas mababang gastos sa kuryente.

“Conceptually, we will be open to it but we just want to make sure that we’re in fact staying within what are allowed under the law,” ang sinabi ni MIC president at chief executive officer Rafael Consing Jr. sa press briefing sa Malakanyang nang tanungin kung bukas ba ang gobyerno na mamuhunan sa nuclear power.

Nauna rito, sinabi ni Energy Secretary Raphael Lotilla, kasama sa press briefing kay Consing na tingnan ang financing aspect at financing cost ng nuclear power.

Sinabi ni Lotilla na mismong si Pangulong Ferdinand R. Marcos Jr. ang nagbigay-diin sa kahalagahan ng nuclear power bilang ‘more reliable and affordable alternative’ sa kasalukuyang energy sources ng bansa.

“The President indicated that that’s where we need help and the financial analysis can very well be undertaken by Maharlika Investment Fund so that (the) government can have a better sense of the financing cost and the returns as well,” aniya pa rin.

Sinabi ni Consing na susuriin muna niya kung ang potensyal na nuclear power ay saklaw ng “cross-ownership” restrictions sa pagitan ng ‘generations at transmissions’ nakapaloob sa ilalim ng Electric Power Industry Reform Act (EPIRA).

Sa ilalim ng EPIRA, “cross-ownership is only prohibited between a transmission company and any company in generation and distribution sectors.”

Sa kabilang dako, umaasa naman si Lotilla na ang hakbang ay magsusulong sa ligtas sa paggamit ng nuclear energy na maipapasa bago magtapos ang 19th Congress.

Matatandaang November 2023 nang aprubahan ng Kamara sa ikatlo at pinal na pagbasa ang House Bill 9293 o panukalang Philippine National Nuclear Energy Safety Act, nagbibigay ng komprehensibong legal framework para sa “nuclear safety, security, at safeguards” sa mapayapang paggamit ng nuclear energy sa bansa.

Kumpiyansa si Lotilla na aaprubahan din ng Senado ang kaparehong batas ukol sa regulatory framework para sa nuclear power.

“The proceedings in Congress have proceeded at a brisk phase. They have had their committee hearings and then, they’re into further discussions of this,” wika ni Lotilla.

“Now it’s in the Senate and we are optimistic that the Senate will be able to move it forward and therefore, we’ll be able to come up with legislation during this Congress. So we’ll take it from there because we are strongest when both the executive and the legislature speak with one voice,” dagdag niya.

Tinuran pa ni Lotilla na makikipagtulungan din ang pamahalaan sa pribadong sektor para sa development ng nuclear power.

Magugunitang Nobyembre 2023 nang tintahan ng Pilipinas at Amerika ang “123 Agreement” o peaceful nuclear energy cooperation.

Naging saksi sa paglagda sa kasunduan nina Lotilla at US Secretary of State Anthony Blinken si Pangulong Marcos sa sidelines ng Asia Pacific Economic Cooperation Summit sa  San Francisco, California.

Sa ilalim ng kasunduan, papayagan ang mga kompanya sa Amerika na mag-export ng nuclear fuel, reactors, equipment at iba pang specialized nuclear materials sa Pilipinas.

Magkakaroon ng legal framework ang dalawang bansa para sa civil at nuclear-related investments partikular na ang nuclear power. Kris Jose