MANILA, Philippines – Pormal nang inihayag ni Senate Majority Leader Juan Miguel “Migz” Zubiri na sumanib sa majority bloc si Senador Mark Villar kahit nahaharap sa maraming kaso sa Department of Justice (DOJ) hinggil sa Prime Water Infrastructure Corporation.
Sa pahayag, sinabi ni Zubiri na kumpirmadong sumanib si Mark Villar sa 13-member majority bloc.
Dahil dito, inihalal sa plenaryo si Mark Villar bilang chairman ng Senate committee on public works at miyembro ng Commission on Appointments (CA).
Matatandaan na si Mark Villar ang naitalagang kalihim ng Department of Public Works and Highways (DPWH) sa panahon ni dating Pangulong Rodrigo Duterte. Kasalukuyang iniimbestigahan ng Office of the Ombudsman ang ilang opisyal ng DPWH na nagkaroon ng flood control anomaly hindi lamang sa kasalukuyang administrasyon kundi sa panahon ni Duterte.
“Yes, we just elected him to the CA and Public Works committee as part of the majority,” Zubiri said in a Viber message when asked if Villar is now part of the majority group.
Walang komento naman ang kapatid nitong si Camille Villar na naunang tumindig at umiyak sa paglilitis ni Vice President Sara Duterte hinggil sa paratang ni SEmator-judge Erwin Tulfo sa kasong plunder na kinahaharap nina Senador Jinggoy Estrada at Rodante Marcoleta.
Kapwa nakakulong sina Estrada at Marcoleta sa Payatas City Jail sa kasong plunder. Ernie Reyes
