Mas mabigat, malawak na parusa vs animal cruelty, inihirit ni Poe

MANILA, Philippines- Ipinanukala ni Senador Grace Poe sa Senado na lumikha ng isang lupon na magkakaroon ng mas malawak na kapangyarihan upang matiyak ang pagtataguyod ng kagalingan ng alagang hayop sa bansa at Proteksiyon laban sa kalupitan.

Sinabi ni Poe, chairman ng Senate committee on public services at masugid na animal lover, na layunin ng Senate Bill No. 2458 na baguhin ang Animal Welfare Act upang palakasin ang animal welfare standards, policies, rules and regulations, implementation and enforcement kabiang ang pagtatakda ng mas mabigat na parusa sa lumalabag.

“Animals do have rights, too. Ang bantay ng ating bahay, kailangan din ng tagapagtanggol,” ayon kay Poe.

“Maraming tao ang ikinokonsiderang miyembro ng kanilang pamilya ang alagang hayop. Pero, hindi lahat ng hayop ay nabibigyan ng katulad na alaga at atensiyon, kadalasan inaabandona sila, kundi man pinagmamalupitan,” dagdag ng mambabatas.

Layunin ng panukala na lumikha ng Animal Welfare Bureau (AWB) na magkakaroon ng tanggapan sa lungsod, munisipalidad, lalawigan at pang-rehiyon. Isasailalim ang naturang tanggapan sa Department of Agriculture.

Bukod sa paglikha ng patakaran at alituntunin sa Implementasyon ng panukalang batas, magkakaroon ng mga sumusunod na tungkulin ang AWB:

• “Provide minimum standards on the appropriate food, water, and shelter for each species of pet and animals depending on the age, breed, size, and special needs of the animals

• In consultation with concerned transport regulating agencies, experts, and animal welfare groups, set a species-specific standard for transportation of animals to ensure they remain in safe condition

• Establish an emergency animal response and rescue system to appropriately respond in cases of calamities such as but not limited to floods, earthquakes and other natural disaster

• Promulgate guidelines for humane slaughter of animals in consultation with the National Meat Inspection Service, local government units and other concerned government agencies

• Implement a system for inspection of animal facilities to ensure compliance with animal welfare standards and regulations

• Monitor compliance of the local government units with animal welfare programs, standards, rules and regulations

• Ensure proper coordination with non-government organizations, people’s organizations and academe for the strict implementation of the rules and regulations issued

• Issue, suspend, cancel permits or certifications pursuant to the purposes of the measure

• Levy and collect fee for registration, certification, inspection and monitoring system and of other fees as the AWB may deem necessary for the effective implementation of the law.”

Lulusawin nito ang Republic Act (RA) 8485 o ang Animal Welfare Act (as amended by RA 10631), na inaatasan ang Bureau of Animal Industry (BAI) na mangasiwa sa Implementasyon ng batas.

“However, BAI is a staff bureau that primarily performs policy, program development, and advisory functions, and is without control over regional and local veterinary services, animal production, and animal welfare which significantly impairs its implementation and enforcement of the Animal Welfare Act,” paliwanaag ni Poe sa panukala.

Nakatakda sa panuala ang parusang pagkakakulong ng isang taon at anim na buwan hanggang tatlong taon at multang hindi bababa sa P30,000 o hihigit sa P100,000 sa sinumang nagmalupit sa hayop, nagmaltrato o anumang pagkilos na ipinagbabawal sa ilalim ng panukala.

Paparusahan din ang pag-aabandona sa hayop, may animal facility na walang permiso, o paggamit ng hayok sa palabas, research o scientific purposes.

Bukod sa pagkakakulong ng isa hanggang apat na taon, nagtakda din ng parusang P5,000 kada aso ang ipapataw sa sinumang nangalakal ng dog meat.

“May kaso ng kalupitan sa mga hayop saan man tayo bumaling. Panahon na para lagyan natin ng pangil ang batas upang masugpo na ang pang-aabuso,” ayon kay Poe. Ernie Reyes