Bulacan – Arestado ang dalawang pinaghihinalaang tulak matapos mahulihan ng P136,000 halaga ng iligal na droga sa buy-bust operation ng pulisya sa bayan ng Bocaue.
Kinilala ang mga suspek sa alyas na Joan, 52, dalaga at alyas Elong, 20, binata kapwa residente ng Brgy. Wakas.
Sa report ng Bocaue police station, ikinasa ang operasyon bandang 12:50 ng madaling araw nitong Agosto 28, sa Purok 2, Brgy. Wakas.
Sinasabing nahuli ang dalawang suspek nang mabilhan ng poseur buyer ng iligal na droga sa halagang P500.
Nakumpiska sa operasyon ang anim na sachets na pinaghihinalaang shabu kabilang ang buy bust item na umabot sa 20 gramo na nasa halagang P136,000.
Nahaharap sa kaukulang kaso ang mga naarestong suspek habang nakakulong sa naturang istasyon ng pulisya. Dick Mirasol III
