Home NATIONWIDE Matibay na relasyon ng US, PH mananatili sa Trump administration – Romualdez

Matibay na relasyon ng US, PH mananatili sa Trump administration – Romualdez

Manila, Philippines – Ikinatuwa ni House Speaker Martin Romualdez ang ginawang pagpapatibay ng relasyon ng Estados Unidos at ng Pilipinas sa ilalim ng administrasyong Trump.

Tinukoy ng kongresista ang mga binitiwang pahayag ng bagong hirang na si U.S. Secretary of State Marco Rubio na mananatiling matatag o “ironclad” ang kasunduan at relasyon ng Amerika at Pilipinas sa ilalim ng liderato ni US President Donald Trump.

Ginawa ni Secretary Rubio ang kaniyang pahayag nang una itong tumawag kay Philippine Foreign Secretary Enrique Manalo kung saan binanggit nito ang pananatili ng alyansa ng dalawang bansa sa ikapananatili ng kapayapaan sa Indo-Pacific.

“Secretary Rubio’s affirmation clearly demonstrates the United States’ enduring commitment to our partnership. This reassurance comes at a crucial time when our shared values and mutual interests face serious challenges in the region,” dagdag pa ni Speaker Romualdez.

Binigyang diin nito na ang ganitong mga pahayag ay napapanahon sa gitna ng tensyon na nagpapatuloy sa West Philippine Sea partikular na ang panibagong presensya ng ng isang malaking China Coast Guard vessel malapit sa teritoryo ng Pilipinas.

“President Trump has demonstrated an ability to bring adversaries to the negotiating table, paving the way for meaningful dialogue and constructive solutions. This approach offers hope that tensions in the West Philippine Sea can be addressed peacefully, with respect for international law and mutual cooperation.”

Ngunit sa kabila ng tensyon ay iginiit ni Speaker Romualdez na dapat mamayani ang diplomasya sa pagresolba sa iringan sa West Philippine Sea at higit aniyang kinikilala at pinapanigan ng bansa ang pagkakaroon ng umiiral na independent foreign policy.

“Our focus remains on safeguarding our sovereignty and securing the welfare of our people. At the same time, we recognize the importance of working with allies who uphold the rule of law and respect international norms.” Meliza Maluntag