MANILA, Philippines – Binatikos ng iba’t ibang grupong kritikal kay Vice President Sara Duterte ang naging desisyon ng Korte Suprema na nagdeklarang ang impeachment complaint laban sa kanya ay unconstitutional.
Isinagawa ang magkakahiwalay na kilos-protesta sa Quezon City na isinagawa ng Bagong Alyansang Makabayan (Bayan), Akbayan, at Tindig Pilipinas kasunod ng ruling.
Ang desisyon ng SC ay immediately executory ngunit maaaring maghain ng motion for reconsideration laban dito.
‘’Their decision tilted the scales of justice in favor of VP Sara Duterte,” ani Akbayan Representative Perci Cendaña.
Sinabi naman ni Bayan chairperson Teddy Casiño na ang desisyon ng SC ay ‘’erroneous.’’
‘’The SC decision is not only erroneous. It is insidious as it encroaches on the exclusive power of Congress over the impeachment process and undermines the system of checks and balances among the Executive, Legislative and Judicial branches of government. It is dangerous because it makes it more difficult for ordinary citizens to hold public officials accountable, encouraging wrongdoing and impunity at the highest levels of governance,’’ sinabi pa niya.
Hinimok naman ni Cendaña ang Kamara at Senado na igiit ang kanilang kalayaan sa paggawa ng lahat ng legal na pamamaraan upang magpatuloy ang impeachment trial.
Iba-iba naman ang naging opinyon ng mga senador kaugnayan sa ruling. RNT/JGC
