MANILA, Philippines – Nakatakdang magturo ang Securities and Exchange Commission (SEC) sa mga guro upang madaling matukoy ang mga investment scam.
Sa pahayag, sinabi ng SEC na pumirma ito ng kasunduan sa Department of Education (DepEd) para turuan ang mga guro na tukuyin, iwasan at ireport ang mga illegal investment scheme para mapigilan ang mga ito na ipuhunan ang kanilang mga pinaghirapang sweldo sa mga scam na ito.
Ayon sa SEC, kabilang din sa MOA ang smart financing at investment education resources ng komisyon patungo sa educational curriculum ng Pilipinas.
Para naman sa DepEd, gagawin ilang learning materials ang mga ito na magagamit sa classroom setting.
Sinabi rin ng SEC na isinusulong nila ang pag-apruba ng Capital Market Development Act, na magbibigay ng legislative basis para sa pagsasama ng SEC learning materials sa curriculum.
“Ultimately, we want to equip our students and teachers with the knowledge and skills to save, manage, and invest effectively,” ayon kay SEC Chairpersom Emilio Aquino.
“A more financially literate public will be better positioned to build a secure future while avoiding the financial pitfalls and scams that have become increasingly prevalent,” dagdag pa niya. RNT/JGC
