Mga kalsadang apektado ng roadworks mula Aug. 30 ‘gang Sept. 2 alamin

MANILA, Philippines- Inanunsyo ng Metropolitan Manila Development Authority (MMDA) nitong Biyernes ang roadworks sa weekend period na Aug. 30 hanggang Sept. 2.

Sa abiso, sinabi ng MMDA na magsasagawa ang Department of Public Works and Highways (DPWH) ng asphalt overlay activities sa mga sumusunod na lugar simula Biyernes ng alas-11 ng gabi:

• EDSA Quezon Avenue flyover northbound

• EDSA Quezon Avenue flyover southbound

Matatapos ang aktibidad ng alas-5 ng umaga sa Lunes.

Bagama’t walang detalye hinggil sa bilang ng lanes na maaapektuhan, pinayuhan ng MMDA ang mga motorista na dumaan sa mga alternatibong ruta sa kasagsagan ng aktibidad. RNT/SA