MANILA, Philippines – Sisimulan ng Metropolitan Manila Development Authority (MMDA) ang pag gamit ng advance technology o Artificial Intelligence (AI) sa pamamahala sa trapiko sa pamamagitan ng adaptive signaling system.
Ayon kay MMDA chairperson Don Artes nais nilang samantalahin ang pag-gamit ng mga makabagong teknolohiya sa pamamagitan ng AI-powered video detectors.
“This is part of the efforts to adopt the latest technologies and innovations for improved public service. We want to employ innovation by advancing traffic detection from ground loop detector to video detector,” saad ni Artes sa isang press briefing sa MMDA Head Office sa Pasig.
Sinabi din ni Artes na ang advanced traffic detection gamit ang artificial intelligence ay naglalayon na mapabuti ang daloy ng trapiko at mabawasan ang mga aksidente sa kalsada sa Metro Manila.
Batay sa pagaaral ng MMDA Traffic Engineering Center (TEC), ang traffic signal system na may mga video detector ay hindi rin madaling masisira na dulot mga roadwork, masamang panahon, at pisikal na interference.
Dahil ito ay pinalakas ng AI-technology, sinabi ni Artes na maaari nitong makuha ang karagdagang impormasyon tungkol sa mga sasakyan tulad ng bilis, direksyon, at mga numero ng plaka. RNT/MND
