Home NATIONWIDE ‘Money-making scheme’ ni Quiboloy sa abroad ibinulgar sa Senado

‘Money-making scheme’ ni Quiboloy sa abroad ibinulgar sa Senado

MANILA, Philippines- Ibinulgar ng dalawang saksi sa Senado ang hinihinalang money-making scheme o pamemera ni Pastor Apollo Quiboloy sa ibang bansa sa pamamagitan ng pagtatayo ng foundation o linkages sa ibang grupo upang makakalap ng pondo.

Sa kanilang testimonya sa ginanap na pagdinig ng Senate women, children, family relations, and gender equality sinabi ni Dindo Maquiling, pawang miyembro ng Kingdom of Jesus Christ (KOJC) sa Canada, na nakalap sila ng malaking halaga para kay Quiboloy.

Ayon kay Maquiling, dating executive director ng Children’s Joy Foundation sa Canada, nagboluntaryo umano silang tumulong kay Quiboloy upang makakalap ng pondo para sa biktima ng bagyong Yolanda.

Itinayo ni Quiboloy ang Children’s Joy Foundation upang tumulong sa naghihirap na kabataang Filipino na nakikita sa iba’t ibang bahagi ng Pilipinas nang magsagawa ito ng paglilibot bilang evangelist.

Sinabi ni Maquiling na ginamit niya ang kanyang koneksyon sa malls, superstores at grocery stores sa Canada upang makakoleta ng pera at nakapagpapadala sila ng 4,000 kada gabi.

Nang makabalik sa Pilipinas, natuklasan ni Maqiuiling na anak ng full-time workers ng KOJC ang itinayong bahay na pinondohan nito.

“Hindi talaga siya tulong, tulong para sa mga mahihirap. Meron man doon talagang hinango nila from poverty, pira-piraso lang, iilan lang. In fact, ang claim nila is thousands of children were being fed. Nung ako’y nandun, wala pang halos 500 na, wala pang halos 300 na bata. And then, ito, kaya ako talaga na nagkaroon ako ng question,” pahayag niya.

“Kasi, all the money that we collect here, ganito ang nangyari, lalabas ang pera na hindi ko alam,” dagdag niya.

Minsan, ayon pa kay Maquiling, pinagsabihan siya na ipadala ang pondo para sa shelter program sa halagang $60,000 sa isang Rosalie Magnao upang magamit sa jet ni Pastor Quiboloy.

“Most of the funds, makikita ko naman yung sa mga report nila, pumupunta sa kung saan, hindi na pupunta talaga sa bata…Ang Canada Revenue [Agency], is already questioning me, kung saan ang mga pera na ginagamit. Sabi ko, wala man akong first hand (information),” paglalahad ni Maquiling.

“Na-release na ang pera bago ako informed… I am the person responsible of Canada Children’s Joy Foundation. And who will, sinong managot sa government dito? Ako,” giit pa niya.

Aniya, nagbitiw siya noong 2019 nang mabigo itong magpadala ng 1 milyong Canadian dollar sa Pilipinas.

“So, 2019, nag-resign na ako kasi…Mayroong 1 million plus na pinadala kami sa Pilipinas na walang explanation … More than 1 million Canadian dollars on that year,” pagbabahagi niya.

“Sabi ko, oh my God, sabi ko. Ito na yung afternoon nahuli siya sa Hawaii kasi, iyon talaga ang sistema nila. Collect money from North America, ikarga nila sa jet para dalhin sa Pilipinas …na walang fees, walang bawas,” dagdag ng saksi.

Kanyang natuklasan na ginagamit ni Quiboloy ang pondo upang ipambili ng gasolina ng kanyang eroplano kaya siya nagbitiw.

Pero inakusahan pa siya ng ilang KOJC members sa Canada na nagnakaw ng pera para sa naturang charitable institution.

“How can I steal money? I am not the treasurer. I cannot even sign. What? Paano ko nakawin ang pera?,” giit ni Maquiling.

“Three months niya ako halos d’yan tinadtad na sa 2020 d’yan sa program niya sa…Mag-Give Us This Day man ‘yun. Binabanggit niya yan, Maquiling. Pinapakita pa litrato ko, yung magnanakaw, Maquiling,” patuloy niya.

“Nandadaya d’yan daw sa Canada. Pero nanahimik ako. Hindi nga ako sumagot. Nanahimik lang ako kasi nagbigay na siya ng threat eh. Mamatay ang nanay ko, mamatay ang pamilya ko, mamatay si ganyan,” aniya pa.

Kasabay nito, ibinulgar din ni Reynita Fernandez, nagtrabaho bilang domestic helper sa Singapore, nang lumahok siya sa ministry noong 2016, kailangan niyang magbayad ng 500 Singapore dollars.

May pagkakataon pa umanong pinagbayad siya ng 2,000 Singapore dollar kaya matapos itong maipadala, itinalaga siya bilang leader na nangyari sa loob ng ilang buwan na “blessings” na nagsimula mula Setyembre hanggang Marso.

“We do [everything] like mag-loan, mag-solicit, magtinda, everything that earns money kahit magbale-balentong ka basta may money ka na irere-mit sa kanila and individually, you are given a certain quota. They assigned me as a leader, my quota from September to March is 12,000 Singapore dollars and where can I get that money?” pahayag niya.

“I have to give them like my earning of $200. On top of that, apart from giving your 10% of your income, plus the offering. And when you become really committed, when they say that you are very committed in giving, they will make it like, they turn it around. Like, your tithes is gonna be 90%, not just 10%,” dagdag pa niya.

Aniya, pinaniwala siya ni Quiboloy na kapag mas marami kang ibibigay na abuloy, mas maraming pagpapala ang makakamit mo, kaya napilitan siyang mangutang upang magbigay sa KOJC.

“We only remit tiny bit and everything with the rest of money will go to Davao City, to Quiboloy and I know that, because they also used me one time because in Singapore, no one is allowed to send a lot of money in one single day but one day they also asked me to send like you know more than a hundred thousand,” sabi ng saksi.

Ilegal din ang operasyon ng KPJC sa Singapore, ayon pa kay Fernandez.

“I found out that nagpadala siya dito ng mga full-time workers. Mga full-time workers. But then, it’s not in a legal way. But to make it legal, ang ginagawa nila is nagbabayad sila ng tao na taga-rito sa Singapore to stand for them as an employer. So, in that way, every worker, they can go house to house every day, like from morning until night. So that mas maraming pera yung malilikom nila. So, it’s illegal,” siwalat niya.

Hindi dumalo si Quiboloy sa pagdinig kaya’t hindi nito nasagot ang alegasyon kaya’t inihayag ni Senator Risa Hontiveros, na kanyang susulatan ang Anti-Money Laundering Council at Department of Migrant Workers sa susunod na pagdinig upang maglinaw sa lahat ng akusasyon.

“Kung totoo po yung mga sinabi ng mga witness, isa ang naging malinaw sa pagdinig natin ngayong araw, scammer si Apollo Quiboloy,” ayon kay Hontiveros.

“Sa Amerika, na-indict din si Quiboloy on bulk cash smuggling, bukod pa sa mga kaso ng sex trafficking, fraud, kaya importante yung narinig natin yung paggamit ng mga pekeng account, and coercion. At ngayong araw napag-alaman natin mukhang nakaabot pa sa Singapore at sa Canada,” dagdag ng senador. Ernie Reyes

Previous articlePinay transgenders, Thai peers nagbangayan!
Next articleSC: Operasyon ng oil industry maaaring pangasiwaan ng DOE kapag emergency