WASHINGTON — Magsisimula nang mag-alok ang social media platform X ng video at audio calling, ayon sa may-aring si Elon Musk nitong Huwebes, isang hakbang patungo sa gawing “everything app” ang dating Twitter.
“Video & audio calls coming to X,” isinulat ni Musk sa isang post sa platform, nang hindi tinukoy kung kailan magiging available ang mga bagong feature.
Ang mga feature sa pagtawag ay gagana sa iOS, Android, Mac at PC system, at walang numero ng telepono ang kakailanganin, aniya.
Noong nakaraang buwan, inanunsyo ni Musk at ng kanyang bagong hire na punong ehekutibo na si Linda Yaccarino ang rebranding ng Twitter bilang X, na nagsasabing magiging “everything app” ito na inspirasyon ng WeChat ng China na magbibigay-daan sa mga user na makihalubilo at mapangasiwaan ang kanilang mga pananalapi. RNT
