Navotas, Mabini tinintahan sisterhood pact para sa turismo, kapaligiran at ekonomiya

MANILA, Philippines – Ang Pamahalaang Lungsod ng Navotas at Pamahalaang Munisipal ng Mabini, Batangas, ay lumagda sa sisterhood agreement upang palakasin ang kooperasyon sa turismo, pangangalaga sa kapaligiran, paglago ng ekonomiya, at mabuting pamamahala.

Ayon kay Navotas Mayor John Rey Tiangco, bagama’t magkaiba ang dalawang coastal communities, pareho silang nakatuon sa sustainable development. “Navotas and Mabini may look different—one an urban coastal city, the other a haven of marine beauty and tourism. But we share the same dream of progress and protecting our seas,” ani Tiangco.

“Through this sisterhood, we open the door to deeper cooperation, exchanging knowledge on environmental care, disaster preparedness, tourism development, and good governance,” dagdag niya.

Saklaw ng kasunduan ang pagtutulungan sa tourism promotion, cultural and educational exchanges, at mga proyektong nagtatampok sa marine heritage ng Mabini at mga atraksyon ng Navotas. Kabilang din dito ang suporta sa maliliit na negosyo, eco-friendly livelihood, at pagpapaunlad ng lokal na industriya.

Nagkasundo rin ang dalawang LGU sa pagbabahagi ng kaalaman sa environmental sustainability, marine resource management, disaster resilience, at pagpapatatag ng pamamahala. Kasama sa partnership ang youth exchanges, sports development, cultural collaborations, at training para sa public officials.

Para kay Mabini Mayor Noel Luistro, ang pakikipagsosyo ay lilikha ng mga oportunidad para sa mutual na pagkatuto at pinalawak na kolaborasyon.

Tinitingnan ng Navotas at Mabini ang alyansa bilang mahalagang hakbang para sa mas matibay na pagkakaibigan at ibinahaging pag-unlad para sa kanilang mga komunidad. Jojo Rabulan