MANILA, Philippines – Bahagyang tumaas ang net satisfaction rating ni Vice President Sara Duterte noong Hunyo, ayon sa survey ng Social Weather Stations (SWS) survey na inilabas nitong Huwebes, Hulyo 16.
Ang survey ay isinagawa mula Hunyo 20 hanggang 29, kung saan nakita na 59% ng adult Filipinos ang satisfied sa performance ni Duterte, habang 26% ang dissatisfied.
Nagresulta ito sa net satisfaction rating na +31 (o percentage ng satisfied respondents minus sa mga dissatisfied), na tumaas ng dalawang puntos mula sa +29 noong Marso 2026.
“The 2-point increase in Vice President Duterte’s net satisfaction rating from March 2026 to June 2026 was due to an increase in Balance Luzon, combined with a smaller increase in Mindanao and a decrease in Metro Manila, while the Visayas held steady,” sinabi ng SWS.
Patuloy ang pinakamataas na net satisfaction rating ni Duterte sa Mindanao sa excellent +84, sinundan ng Visayas sa good +36, Balance Luzon sa moderate +10, at Metro Manila sa neutral +3.
Ang survey ay isinagawa sa pamamagitan ng face-to-face interviews sa 1,200 adults sa buong bansa.
Kumuha ng tig-300 participants sa Metro Manila, Balance Luzon, Visayas at Mindanao.
May margin of error na ±3 percentage points ang survey para sa national estimates at ±6 percentage points bawat isa sa apat na geographic areas. RNT/JGC
