MANILA, Philippines – Nagbigay ang pamahalaan ng New Zealand ng NZD500,000 o nasa P17 milyon para suportahan ang nagpapatuloy na multicyclone response ng Philippine Red Cross.
“New Zealand stands in solidarity with the Philippines, reaffirming its commitment and offering support during these challenging times,” saad sa pahayag ng New Zealand Embassy nitong Biyernes, Disyembre 20.
“Our enduring partnership reflects our shared resilience, compassion, and mutual aid values,” dagdag pa.
Sinabi ng embahada na ang bagong pondo ay bahagi ng nagpapatuloy na kolaborasyon nito sa International Federation of Red Cross at Red Crescent Societies.
Nauna nang sinabi ng United Nations Philippines na kailangan ang nasa USD20.1 million o P1.17 billion para suportahan ang agaran at lifesaving na pangangailangan ng mga komunidad na lubhang naapektuhan ng serye ng mga bagyo sa bansa ngayong taon. RNT/JGC
