MANILA, Philippines – Nanawagan si Bicol Saro Party-list Rep. Terry Ridon sa Office of the Ombudsman na imbestigahan kung nagkaroon ng malversation sina Vice President Sara Duterte at iba pang opisyal ng Office of the Vice President (OVP) kaugnay ng paggamit ng kanilang confidential funds.
”We call on the Ombudsman to look into whether there is actual malversation committed by Miss Acosta, Mr. Lachica, Vice President Sara Duterte in using the confidential funds. I think it’s clear that these confidential funds were really misused.” pahayag ni Ridon sa isang pressconference.
Ang panawagan ay ginawa ni Ridon matapos umamin sa Senate impeachment court si OVP special disbursing officer Gina Acosta na inabot niya ang confidential funds kay dating OVP security head Army Col. Raymund Dante Lachica kahit alam niyang hindi ito isang bonded officer o awtorisado na gumamit ng pondo.
Giniit ni Ridon na ang “original sin” sa lahat ng illegal na paggasta sa confidential fund ay nagmula mismo kay Duterte at hindi sa mga tauhan nitom
Samantala, kinuwestiyon din ni Ridon ang malaking halagang ginastos para sa pag-upa ng mga safe house na umaabot sa P16 milyon bawat quarter.
Sinabi ni Ridon na ang nasabing halaga na ginastos sa pag upa ng mga safehouses ay katumbas na upa sa mga exclusive subdivision gaya ng Forbes Park at Dasmariñas Village, at sa nga high end condominium sa Bonifacio Global City (BGC) at Makati.
Gayunpaman, ang tunway na inupahan ay hindi naman gaya ng mga ganitong halaga.
Giit ni Ridon na malinaw na mahirap paniwalaan ang katwiran ng OVP ukol sa presyo ng mga safe house na ginastusan gamit mg confidential funds kaya patuloy na tututukan ito ng prosekusyon. Gail Mendoza
