![chokepoint-latest](https://remate.ph/wp-content/uploads/2023/10/chokepoint-latest-640x337.jpg)
NOON pa ay siya na ang nababanggit nguni’t hindi nakauupo, pero ngayo’y lumulutang na naman ang pangalan bilang susunod na director ng Police Regional Office 4A.
Ang tinutukoy ko ay si P/BGen. Kirby John Kraft na napabalita noon na magiging CALABARZON police commander pagkatapos ng Southern Police District stint as director.
Pero imbes na PRO 4A ay itinalaga itong police director ng Region 13 o CARAGA region dahil ang tsismis ay malapit ito sa nakaraang gobyerno kaya naudlot ang appointment?
Ang bagong balita ngayon, isinusulong muli si Kraft – this time mula sa kampo ni Pangulong Bongbong Marcos pero ‘di pa matiyak kung siya na dahil may bulong brigade na iba ang minamanok.
Ang CALABARZON ay paborito ng bawa’t senior official ng Pambansang Pulisya na maging ‘assignment destination’ kapag nabigyan ng pagkakataon.
Kung bakit? Ang rehiyon kasi ay maituturing na ‘juicy position’ dahil dito’y umaagos ang salaping ipinamimigay ng vice lords kaya kumikita ang mga opisyal na naitatalaga rito.
Ito, marahil ang dahilan kaya mahirap matalagang PRO 4A director – pinag-aagawan ang CALABARZON dahil sa pagiging juicy position nito bilang assignment.
BELMONTE OUT, MALINAO IN SA BATANGAS
May bagong police director ng Batangas Provincial Police Office sa katauhan ni P/Col. Jack Malinao – pumalit kay P/Col Samson Belmonte na umano’y sinibak dahil sa hindi masugpo- sugpong vice operation.
Si Malinao na dating hepe ng Criminal Investigation and Detection Group field office sa CALABARZON ay inaasahang ipagpapatuloy ang mandatong hindi nagawa ni Belmonte.
Pero, dapat maging alerto si Malinao – silipin niya ang isang nagpapakilalang ‘Adlawan’ na matagal nang gumagamit sa kanyang pangalan sa payola ‘kolektong’ activity.
Dahil kung ito’y kakaang -kaang sa trabaho at hahayaan lang si alyas Adlawan, aba’y matutulad din siya kay Belmonte na nawalan ng puwesto kasi natutulog sa pansitan.