MANILA, Philippines – Nasamsam ng Philippine Drug Enforcement Agency (PDEA) nitong Miyerkules ng umaga ang suspected kush, isang variant ng marijuana, na nagkakahalaga ng P1.07 milyon sa isang parcel sa Port of Clark, Pampanga.
Ang parcel, na nakalabel bilang “Cruxdenim Reinforced Seat Trail Jeans” mula Los Angeles, California, ay na-flag sa routine profiling at naglalaman ng 712 gramo ng suspected kush. Ang mga nasamsam na droga ay ipapadala sa PDEA Central Luzon para sa laboratory at forensic examination.
Sa hiwalay na operasyon, nasamsam din ng PDEA ang mga parcel na naglalaman ng suspected hemp at morphine. Ang hemp parcel mula Wilmington, Delaware, US, na dumating noong Enero 6, ay naglaman ng gummies at capsules, habang ang morphine parcel mula England, UK, na dumating noong Enero 9, ay isinailalim sa pagsusuri. Parehong ipinasa sa PDEA National Headquarters para sa karagdagang laboratory examination.
Ayon kay PDEA Director-General Isagani Nerez, bagama’t ginagamit ang morphine bilang pain reliever, ito ay itinuturing na dangerous drug dahil sa mataas nitong potensyal sa abuso. Dave Baluyot
