MANILA, Philippines- Nakatakdang isapinal ng Department of Agriculture (DA) ang national control policy at paglulunsad ng mobile application para sa P20 per kilogram (kg) rice program sa ilalim ng “Benteng Bigas Meron (BBM) Na”.
“We plan to have the national policy by October,” pahayag ni Agriculture Secretary Francisco Tiu Laurel Jr. sa isang panayam nitong Biyernes.
Inaasahang sasaklawin ng P20 national policy ang control mechanisms sa logistics, sale, distribution, payment, volume allocation, purchase limits, at program expansion, bukod sa iba pa.
Subalit, sinabi ni Tiu Laurel na opisyal na ipatutupad ang national policy sa January 2026.
Bukod sa national policy, sinabi niyang posibleng inisyal na ikasa ang P20 per kg. mobile smart application sa Oktubre.
“For registration na pero ang launch talaga is Jan. 1. Kaya kailangan by October, ready na kami sa policy, application, at system,” ani Tiu Laurel.
“May app sa phone. That app will be the PHP20 app, kailangang mag-register ang tao sa PHP20 program, then that list will be vetted kung approved na o hindi.” RNT/SA
