Home NATIONWIDE P34M nakumpiskang vape products sa Cavite, sinira ng BOC

P34M nakumpiskang vape products sa Cavite, sinira ng BOC

MANILA, Philippines – Sinira ng Bureau of Customs ang nasa 160,000 nakumpiskang vape products na nagkakahalaga ng P34 milyon, sa Cavite.

Nasa kabuuang 159,830 piraso ng vape products na nagkakahalaga ng P34,112,500 ang sinira sa isang pribaadong pasilidad sa probinsya noong Enero 17 at 20.

“This condemnation underscores our commitment to protect public health and ensure compliance with our laws,” saad sa pahayag ni Customs Commissioner Bienvenido Rubio nitong Biyernes, Enero 24.

Ang pagsira ay naganap kasunod ng paglalabas ng warrants of seizure and detention sa paglabag sa Republic Act No. 11900 (Vaporized Nicotine and Non-Nicotine Products Regulation Act), na ipinatutupad ng Department Administrative Order No. 22-16 ng Department of Trade and Industry at Section 1113 (f) na may kaugnayan sa Sections 117 ng Customs Modernization and Tariff Act.

Isinagawa ang pagsira sa tulong ng Auction and Cargo Disposal Division, Enforcement and Security Service at Customs Intelligence and Investigation Service. RNT/JGC