MANILA, Philippines – Isang buy-bust operation ng pulisya sa Bacolod City ang humantong sa pagkakaaresto sa isang pangunahing distributor ng droga, na kinilalang si “Faisal,” 24-anyos, at pagkakasamsam ng hinihinalang shabu na nagkakahalaga ng P4.59 milyon.
Si Faisal, isang sub-leader ng Caunda drug group, ay residente ng Barangay 31 at isang gym instructor. Siya ay isang high-value target na may dalawang nakabinbing warrant para sa paglabag sa Comprehensive Dangerous Drugs Act.
Si Faisal, na napabilang sa ilang drug watchlist, ay inaresto matapos magbenta ng isang sachet ng shabu sa isang undercover na opisyal.
Narekober ng mga otoridad mula sa kanyang possession ang 675 gramo ng hinihinalang shabu. Intelligence-driven ang operasyon, at iniimbestigahan ng pulisya ang pinagmulan ng droga. Binigyang diin ni Bacolod City Police Director Col Joeresty Coronica ang pangako ng lungsod sa paglaban sa iligal na droga. RNT
