MANILA, Philippines – Nasamsam ng pulisya sa Central Visayas ang droga na nagkakahalaga ng P6.8 milyon sa dalawang operasyon at naaresto ang isang “high-profile” na drug personality sa Mandaue City, sinabi ng Police Regional Office 7 (PRO7) nitong Martes.
Inaresto noong Lunes ng gabi ng Mandaue City police ang isang 29-anyos sa Barangay Subangdaku at nakumpiska ang 500 gramo ng shabu (crystal meth) na nagkakahalaga ng P3.4 milyon, isang caliber .22 magnum revolver, mga bala, isang motorsiklo, isang cellular phone, at isang belt bag.
Sinabi ng mga awtoridad na nilabag ng suspek ang Dangerous Drugs Act at ang Firearms Act.
Sa hiwalay na operasyon nitong Lunes ng umaga, nasabat ng pulisya ang 500 gramo ng iligal na droga na nagkakahalaga ng P3.4 milyon sa Barangay Lourdes, bayan ng Cortes, lalawigan ng Bohol.
Sinabi ng PRO7 na ang mga operasyon ay bahagi ng paghahanda para sa panahon ng “Kalag-kalag” at sa darating na midterm elections. RNT
