Home NATIONWIDE P9B dagdag na badyet inihirit ng NFA para sa mas maraming rice...

P9B dagdag na badyet inihirit ng NFA para sa mas maraming rice buffer stock

MANILA, Philippines- Hangad ng National Food Authority (NFA) ang karagdagang budget na P9 bilyon ngayong taon para saklawin ang karagdagang halaga para paramihin ang buffer stock nito, gaya ng nakamandato sa inamyendahang Rice Tariffication Law.

Nakasaad sa Republic Act No. 12078, ang inamyendahang RTL na nilagdaan ni Pangulong Ferdinand Marcos Jr. noong nakaraang Disyembre, nire-require ang NFA na panatilihin ang buffer stock para sa 15 araw na national rice consumption, mula sa dating siyam na araw lamang.

“We were initially allocated a budget of P9 billion for buffer stocking this year, based on the nine-day requirement,” ang sinabi ni NFA administrator Larry Lacson.

“But the additional six days will necessitate an extra P9 billion for palay procurement considering that our palay price procurement per kilo [will] increase in 2024,” dagdag na wika nito.

Sinabi pa ni Lacson, sa karagdagang anim na araw ay ire-require ang DA na kumuha ng 300,000 metric tons ng palay mula sa lokal na magsasaka, ipinagpapalagay sa P23 per kilogram ang presyo.

Ang average national consumption ay 37,000 metric tons ng bigas sa isang araw.

“The NFA’s palay procurement should ideally account for up to 20 percent of the country’s total domestic production—around 4 million metric tons—compared to the current rate of approximately 3-4 percent currently,” ayon kay Agriculture Secretary Francisco Tiu Laurel Jr.

“The NFA used to be a market maker—both a buyer and seller of rice. Now it is restricted to buffer stocking and buying rice from local rice farmers. We aim to restore its influence on palay pricing by purchasing more local rice, helping to boost Filipino farmers’ profitability,” dagdag ni Tiu Laurel, isa ring NFA Council chair.

Ayon sa RA No. 12078, makatatanggap din ang NFA ng P2 billion mula sa rice tariffs maliban sa P30 billion na inilaan sa Rice Competitiveness Enhancement Fund (RCEF).

Ang RCEF ang nagbibigay ng pondo para sa iba’t ibang programa na naglalayong palakasin ang ‘productivity’ ng mga magsasaka at itaas ang kanilang kita at competitiveness matapos na gawing liberal ang rice trading sa Pilipinas.

“The law requires the NFA to maintain an optimal level of rice inventory to sustain the government’s disaster relief programs during natural or man-made calamities and to address food security emergencies on rice. It should be sourced solely from local farmers,” ang nakasaad sa ulat.

“The same NFA stocks can be sold to areas where there is a rice supply shortage or an extraordinary increase in rice prices once the Department of Agriculture (DA) declares a food security emergency for rice,” batay pa rito.

Samantala, pinalutang naman ng DA ang posibilidad na magkaroon ng emergency declaration para pigilan ang pagtaas ng retail prices sa mga pangunahing pagkain ng mga Pinoy. Jose Kris