MANILA, Philippines – Hindi nangangahulugan na senyales ng isang underwater seismic activity ang pagdagsa ng mga sardinas sa baybayin sa Maasim, Sarangani.
Ayon sa isang environment science specialist nitong Lunes, Enero 8, ang pangyayaring ito ay isang “natural phenomenon.”
Ipinaliwanag ni Cirilo Lagnason Jr., researcher mula sa Department of Environment and Natural Resources-Soccsksargen Region (DENR-12), na ang malaking bilang ng mga sardinas na dumagsa sa baybayin ng Barangay Tinoto, Maasim, Sarangani ay dahil sa isang natural occurence na kilala bilang “upwelling.”
“This may be a result of upwelling, an ocean process in which colder water is pushed towards the ocean surface, bringing nutrients, including plankton, the diet of these juvenile fish,” ani Lagnason.
“As a result, the fish were trapped in shallower areas, making them easier to catch,” dagdag pa niya.
Karaniwang nangyayari ito sa Zamboanga, Masbate at Maguindanao del Norte.
“These fish may still be edible as long as they are consumed immediately or preserved,” ayon kay Lagnason.
“What is better than a morning with the bountiful school of fish flooding the shoreline? Indeed, a bountiful Sarangani Bay,” pagpapatuloy ng eksperto, na siya ring kasalukuyang DENR-12 development management officer.
Noong Oktubre 2021, dinagsa rin ng medium-sized yellowfin tuna ang dalampasigan ng Barangay Nalkan, Datu Blah Sinsuat, Maguindanao del Norte. RNT/JGC
